શિયાળાની સવાર

વહેલા વહેલા જાગો,આ તો શિયાળાની સવાર છે

જાગીને ભાગતા ભાગતા, મારવી એક લટાર છે

સુરજ ને પૂછજો જરા, અલ્યા ક્યાં ગરમી ભરી વખાર છે

વહેલા વહેલા જાગો, આ તો શિયાળાની સવાર છે

ગુલાબી આ ઠંડીમાં, ક્યાંક તાપણું અસવાર છે

કહેવું લાગે મીઠું, સોનેરી આ સવાર છે

અરે ભાઈ વહેલા વહેલા જાગો, આ તો શિયાળાની સવાર છે

શેરડીનો સ્વાદ મીઠો, એ તો તેજ ધાર કટાર છે

તલની ચીક્કી શ્યાણી, ગોળનો પાક મજેદાર છે

આવી મીઠી મોજ,આઠ મહિને એક વાર છે

વહેલા વહેલા જાગો, આ તો શિયાળાની સવાર છે

કસરત દાવ લગાવો, તંદુરસ્તીની મજદાર છે

ગરમાગરમ ચાની, ચૂસકીઓ અલકવાર છે

અરે વહેલા વહેલા જાગો,આ તો શિયાળાની સવાર છે

halfdream….. sapna